Kryeministri i Republikës së Kosovës, Albin Kurti, priti sot në një takim zyrtar Përfaqësuesin e Posaçëm të Bashkimit Evropian për Dialogun Kosovë–Serbi, Peter Sorensen.

Me këtë rast, emisari evropian e uroi kryeministrin Kurti për formimin e qeverisë së re si dhe për fillimin e mandatit të tij të ri në krye të ekzekutivit.

Gjatë takimit u diskutua për zhvillimet e fundit politike në vend, forcimin e sundimit të ligjit dhe përparimin e Kosovës në procesin e integrimit evropian, të cilat u theksuan si prioritete të qarta të agjendës qeverisëse.

Në fokus të bisedës ishte edhe procesi i dialogut ndërmjet Kosovës dhe Serbisë, i ndërmjetësuar nga Bashkimi Evropian.

Qeveria e Republikës së Kosovës rikonfirmoi përkushtimin e saj për normalizim të plotë të marrëdhënieve me Serbinë, përmes një marrëveshjeje ligjërisht të detyrueshme që garanton njohje reciproke. /Lajmi.net/