Kryeministri në detyrë, Albin Kurti, tha se ka nisur takimet me krerë të partive politike për formimin e qeverisë pas zgjedhjeve të 9 shkurtit.

I pyetur nga gazetarët sot në Rezinë të Gjakovës ku shkoi për të përuruar një çerdhe, Kurti përmendi vetëm dy takimet që pati sot me krerë të partive joshumicë.

Duke mos e specifikuar se më kë do të takohet në të ardhmen, Kurti paralajmëroi vazhdimësi të takimeve mbi këtë çështje.

“Kemi filluar me takime zyrtare me krerë të partive politike, paradite kanë qenë Emilja Rexhepi dhe Nenad Rashiq, do të vazhdojmë edhe me të tjerët”, tha Kurti.

Lëvizja Vetëvendosje si e vetme nuk do të mund të krijojë qeverinë pa ndonjë koalicion. Megjithatë, dje nënkryetari i Vetëvendosjes, Glauk Konjufca, u shpreh optimist se i kanë votat për votimin e Qeverisë Kurti 3.