Kryeministri në detyrë i Kosovës, Albin Kurti, ka theksuar se raportet mes shqiptarëve dhe amerikanëve përfaqësojnë një lidhje të veçantë historike, e cila sipas tij nuk është krijuar vetëm gjatë periudhës së luftës së fundit në Kosovë, por ka nisur shumë më herët përmes diasporës shqiptare në Shtetet e Bashkuara.

Kurti i bëri këto komente gjatë një takimi në zyrën e tij me një grup vizitorësh nga Kalifornia, Uashingtoni, Ishulli i Manit dhe Bullgaria, të cilët po qëndrojnë në Kosovë në kuadër të programit “Ethno Tour 2026”, të organizuar nga antropologia Janet Reineck, transmeton lajmi.net.

Sipas Kurtit, historia e bashkëpunimit dhe afërsisë mes dy popujve lidhet me valët e para të emigrimit shqiptar drejt SHBA-së në shekullin XIX, duke përmendur edhe kontributin e diasporës në organizimin dhe përfaqësimin e çështjes shqiptare.

Ai ka thënë se kjo rrugëtim historik ka çuar edhe në themelimin e Federatës Panshqiptare të Amerikës “Vatra” në Boston në vitin 1912.

“Që nga mbështetja e Presidentit Woodrow Wilson deri te ndikimi i priftit dhe mendimtarit shqiptar në mërgim, Fan Noli, diaspora jonë ka luajtur një rol kyç në ndërtimin dhe ruajtjen e kësaj lidhjeje të çmuar”, shkroi Kurti.

Gjatë takimit me Janet Reineck, kryeministri në detyrë tha se është diskutuar për zhvillimin e Kosovës dhe rëndësinë që ka diaspora shqiptare në promovimin e vendit.

“Mërgata jonë e dashur janë ambasadorët tanë masivë, duke ardhur gjithmonë në vendlindje dhe duke e promovuar atë”, u shpreh kryeministri në detyrë.

Kurti bëri të ditur se pjesë e diskutimeve me pjesëmarrëset e programit “Ethno Tour 2026” ishin edhe tema që lidhen me të drejtat e njeriut, kulturën, arsimin, shërbimet për të moshuarit, bujqësinë dhe ekonominë.

Ai theksoi se grupi i vizitoreve përbëhet nga profesioniste të fushave të ndryshme, përfshirë inxhinierinë mjedisore, planifikimin urban, shëndetësinë, arsimin dhe teknologjinë informative.

Postimi i plotë: