Kryeministri i Kosovës, Albin Kurti, ka përshëndetur vendimin e administratës së ish-Presidentit amerikan Donald Trump për të vazhduar Programin Kompakt të Korporatës së Sfidave të Mijëvjeçarit (MCC) për Kosovën, duke e cilësuar si një hap të jashtëzakonshëm për vendin dhe një dëshmi e rëndësisë që i jepet partneritetit me Shtetet e Bashkuara të Amerikës.

Në reagimin e tij publik, Kurti shprehu mirënjohje për mbështetjen amerikane dhe nënvizoi angazhimin e përditshëm të institucioneve të Kosovës për një bashkëpunim të fortë dhe të besueshëm me SHBA-në. Megjithatë, në postimin e tij mungoi çdo përmendje e Presidentes së Kosovës, Vjosa Osmani, e cila ka qenë ajo që zyrtarisht i është drejtuar administratës amerikane me kërkesën për vazhdimin e financimit nga MCC, transmeton lajmi.net

Mosnjohja e rolit të Presidentes në këtë proces shihet si një tjetër tregues i ftohjes së marrëdhënieve ndërmjet dy udhëheqësve të shtetit, të cilët tashmë prej kohësh kanë pasur mospajtime të hapura për çështje të ndryshme politike dhe institucionale. Analistë dhe njohës të zhvillimeve politike në vend e kanë interpretuar këtë qëndrim si vazhdimësi e tensioneve mes presidencës dhe qeverisë.

Postimi i plotë: