Ndeshja kryesore e këtij edicioni në Superligën e Kosovës në futbolli do të zhvillohet sot mes Dritës dhe Ballkanit.

Stadiumi me bari sintetik në Gjilan është vendtakimi i dy skuadrave të vetme që janë në garë të ngushtë për titull të kampionit, shkruan lajmi.net.

Drita është lidere me 66 pikë, tri më pak ka Ballkani në pozitën e dytë tabelore.

Fitorja për gjilanasit do të ishte “punë e kryer” sa i përket titullit, ndërkaq për mysafirët një “rikthim” në garë.

Kompania e madhe e basteve sportive “1XBet” ka publikuar kuotat e kësaj sfide të rëndësishme.

Drita llogaritet favorite për të triumfuar kundër Ballkanit. Kuota për fitoren e gjilanasve është 2.22, barazimi 3.10, ndërkohë për triumfin e Ballkanit kuota llogaritet 3.06.

Deri në fund të edicionit, pa llogaritur këtë takim, kanë mbetur edhe katër xhiro për t’u zhvilluar.

Derbi mes Dritës dhe Ballkanit do të zhvillohet me fillim nga ora 15:00./Lajmi.net/