Atletico Madrid iu bashkua Barcelonës si skuadra tjetër nga La Liga që siguroi kualifikimin për në fazën eliminatore të Ligës së Kampionëve.

Skuadra madrilene kaloi tutje nga Grupi G për në rrethin e dytë të garës pas fitores së thellë 4-0 ndaj Austrisë së Vjenës. Në një ndeshje të dominuar nga vendasit, skuadra e trajnerit Diego Simeone kaloi në epërsi herët në minutën e 11-të pas golit nga Miranda.

Më pas realizuan Raul Garcia dhe Filipe Luis Kasmirski, kurse sulmuesi Diego Costa humbi penalltinë në minutën e 75-të.

Mirëpo, golgeteri kryesor i Atleticos e përmirësoi gabimin duke realizuar gol në minutën e 82-të, që vulosi rezultatin përfundimtar dhe kualifikimin e skuadrës madrilene për në fazën eliminatore të Ligës së Kampionëve.

Në ndeshjen tjetër, Zenit St Petersburg dhe Porto u ndanë baras 1-1.

Atletico M – Austria Vjena 4-0

Zenit – Porto 1-1

Tabela

Atletico 12 pikë

Zenit 5

Porto 4

Austria 1