Kryeministri Albin Kurti ka njoftuar se ka takuar presidentin amerikan, Donald Trump.

Anipse nuk e njoftoi si takim, ai sot bëri të ditur se ka takuar veçse Donald Trump në kuadër të Javës së Nivelit të Lartë të Asamblesë së Përgjithshme të OKB-së.

“Në kuadër të Javës së Nivelit të Lartë të Asamblesë së Përgjithshme të OKB-së, kisha nderin që të takoj për herë të parë Presidentin e Shteteve të Bashkuara të Amerikës, z. Donald J. Trump”,deklaroi Kurti.

Ai tha se Trump e falënderoi për ngritjen e valës së investimeve në mbrojtje në NATO, ku edhe Kosova duhet të anëtarësohet, transmeton lajmi.net.

Bashkë me të në takim ishte edhe gruaja e kryeministrit Kurti.

“Shtetet e Bashkuara të Amerikës janë aleati kryesor, partneri i pazëvendësueshëm dhe miku special i Republikës së Kosovës. 🇽🇰🤝🇺🇸”./Lajmi.net/