Kryetari i PDK-së, Memli Krasniqi ka pritur për një takim ambasadorin e Gjermanisë në Kosovë, Jorn Rohde.

Krasniqi ka biseduar me ambasadorin gjerman për dalje nga ngërçi në Kuvend pas aktgjykimit të Gjykatës Kushtetuese.

“Diskutuam për zhvillimet më të fundit politike, qëndrimet e PDK-së dhe rrugën e domosdoshme përpara për tejkalimin e bllokadës politike, në përputhje me aktgjykimin e fundit të Gjykatës Kushtetuese”, ka thënë Krasniqi.

Ai ka falënderuar ambasadorin për mbështetjen e vazhdueshme ndaj Kosovës dhe për zërin e tij të qartë në mbrojtje të demokracisë dhe funksionalitetit institucional.