Një person është arrestuar në Gjakovë, pasi gjatë kontrollit në shtëpinë e tij janë gjetur dhe sekuestruar substanca narkotike dhe pajisje të dyshimta.

Rasti ka ndodhur më 11 nëntor, rreth orës 15:20, në rrugën “Çamëria”.

Sipas raportit 24-orësh të Policisë së Kosovës, gjatë kontrollit janë gjetur 24 qese të vogla najloni me marihuanë, me peshë të përgjithshme rreth 31 gramë.

Po ashtu, policia ka sekuestruar një peshore digjitale, një grinder dhe para të gatshme.

“Janë gjetur dhe sekuestruar: 24 qese të vogla najloni marihuanë me peshë rreth 31 gramë, një peshore digjitale, një grinder dhe para të gatshme”, thuhet në raport.

Pas intervistimit, me vendim të prokurorit, i dyshuari është dërguar në mbajtje. /Lajmi.net/