FC Ballkani të enjten do të vazhdojë aventurën në Ligën e Konferencës përballë Dinamo Zgrebit.

Komuniteti kroat në Janjevë të Lipjanit po e pret me kureshtje ardhjen e Dinamo Zagrepit në Kosovë, për t’u përballur me FC Ballkanin.

Banorët për Lajmin.net kanë thënë se përkrahin të dyja skuadrat, por besojnë se skuadra kroate është favorite për ndeshjen.

Po ashtu skuadra nga Suhareka ka vendosur që të ndaj bileta për komunitetin kroat në Janjevë.

Ballkani është në grupin C dhe deri më tani ka një humbje në po aq ndeshje në Ligën e Konferencës. /Lajmi.net/