Të Infektuar: 102.742

Të Shëruar: 89.141

Të Vdekur: 2.105

Komiteti Olimpik i Kosovës nis takimet me krerët e Federatave

23:10 | 2 Prill 2021

Komiteti Olimpik i Kosovës ka nisur takimet me krerët e Federatave të sporteve të ndryshme pas zgjedhjes së presidentit, Ismet Kransiqi.

Komiteti Olimpik i Kosovës ka filluar takimet me krerët e Federatave të sporteve të ndryshme pas zgjedhjes së presidentit të ri, Ismet Krasniqi, transmeton lajmi.net.

Presidenti i Komitetit Olimpik të Kosovës, Ismet Krasniqi, ka pritur sot ndarazi drejtuesit e Federatës së Volejbollit të Kosovës, kryetarin Bahri Gjinovci, nënkryetaren Mimoza Shkodra Bislimi dhe sekretarin e përgjithshëm, Valon Nikçi, si dhe Bordin e Federatës së Karatesë së Kosovës (FKK) me sekretarin e përgjithshëm, Nazmi Gashi.

Drejtuesit e FVK-së dhe FKK-së kanë uruar presidentin Krasniqi për zgjedhjen në krye të KOK-ut, me shpresën dhe besimin se do të kenë bashkëpunim të frytshëm.

Presidenti Krasniqi duke falënderuar krerët e të dyja federatave për vizitën, shprehu gatishmërinë se bashkëpunimi i tij dhe KOK-ut me këto federata dhe me të tjerat nuk do të mungojë, përkundrazi vetëm sa do të fuqizohet.

Nënkryetarja e Federatës së Volejbollit të Kosovës, Mimoza Shkodra Bislimi, njëherësh është zgjedhur edhe nënpresidente e KOK-ut./Lajmi.net/