Komiteti Olimpik i Kosovës ka përcjell një mesazh përmes platformës ‘Twitter’.

Ditëve të fundit, vendimet e disa lojtarëve për të mos luajtur me fanellën e kombëtares së Kosovës kanë nxitur debate të shumta.

Emra të ndryshëm kanë vendosur të zgjedhin kombëtare si Zvicra, Shqipëria, e më herët edhe Suedia.

Një reagim lidhur me këto ngjarje pati lojtari i kombëtares sonë, Edon Zhegrova. Duket se në të njëjtën temë qëndron edhe Komiteti Olimpik i Kosovës.

Në faqen zyrtare në ‘Twitter’, NOC Kosova ka publikuar një fotografi ku shihet një koreografi e Dardanëve, përcjell lajmi.net.

?? pic.twitter.com/ooco1vbkfR

— NOC KOSOVO ??? (@NOCKOSOVO) September 21, 2022

“Qysh kur dielli ngrohë këtë tokë, ne jemi këtu. Kosova zgjedhje zemre, jo zori”, thotë mesazhi.

Duket se adresa është e qartë, ndonëse Komiteti Olimpik i Kosovës nuk ka lënë ndonjë mbishkrim, përveç dy zemrave, njëra e verdhë e tjetra e kaltër, që simbolizojnë ngjyrat e flamurit të Kosovës. /Lajmi.net/