Këshilli Prokurorial ka mbajtur sot një takim të jashtëzakonshëm.

Në këtë mbledhje, Këshilli Prokurorial ka pranuar edhe zyrtarisht vendimin e Gjykatës Supreme ku hidhet poshtë vendimi i KPK-së për shkarkimin e U.D Kryeprokurorit Besim Kelmendi.

Pavarësisht kësaj, nga KPK-aj nuk është marrë ndonjë vendim për çështjet tutje dhe se kjo do zhvillohet në një takim të ardhshëm.

“Këshilli Prokurorial i Kosovës (KPK), nën kryesimin e z. Ardian Hajdaraj, ka mbajtur sot një takim të jashtëzakonshëm, të 281-të me radhë, i cili është zhvilluar me dyer të mbyllura.Me këtë rast, Kryesuesi Hajdaraj njoftoi anëtarët e KPK-së për pranimin e Aktgjykimit të Gjykatës Supreme të Republikës së Kosovës”,thuhet në njoftim.

Tutje u tha se “Ndërkaq, çështjet të cilat ndërlidhen me zbatimin e këtij aktgjykimi do të trajtohen në takimin e radhës.”./Lajmi.net/