Çdo ditë ne vendin tonë regjistrohen raste të dhunës në familje.

Katër raste të dhunës në familje janë raportuar në Polici të Kosovës vetëm gjatë 24 orëve të fundit

Rastet kanë ndodhur në Prishtinë, Pejë e Gjakovë.

Në tri nga këto raste viktimat kanë qenë femrat, shkruan lajmi.net.

Rastet e raportuara në Polici:

Prishtinë  07.01.2025, 13:00. Është raportuar se pas një mosmarrëveshje i dyshuari mashkull kosovar i ka shkaktuar dhunë psiqike viktimës femër kosovare. Me vendim të prokurorit rasti procedohet në procedurë të rregullt.

Prishtinë 08.01.2025-19:00. Eshtë raportuar se i dyshuari mashkull kosovar ka ushtruar dhunë fizike dhe psikike ndaj viktimës femër kosovare. Lidhur me rastin janë ndërmarrë veprimet policore për procedurat e mëtejme. 

Pejë  08.01.2025, 15:35. Eshtë raportuar se pas një mosmarrëveshje i dyshuari mashkull kosovar i kishte shkaktuar dhunë psiqike ankueses femër kosovare. I dyshuari është arrestuar dhe pas intervistimit me vendim të prokurorit është dërguar në mbajtje.

Gjakovë 08.01.2025-14:00. Është arrestuar i dyshuari mashkull kosovar pasi që i njëjti në gjendje të dehur ka tentuar të godasë viktimën mashkull kosovar, lidhur me rastin me vendim të prokurorit i dyshuari dërgohet në mbajtje.