Policia e rajonit të Prishtinës në kuadër të punës për parandalimin e veprimtarive kriminale, ka intensifikuar veprimet e saj në drejtim të identifikimit dhe kapjes së personave të përfshirë në raste kriminale.

Sot nga njësitet policore të stacionit të Podujevës, në një shtëpi në rrugën “Skënderbeu” është zhvilluar një operacion ku është arrestuar një person pasi gjatë kontrollit janë gjetur dhe sekuestruar 132,89 gramë marihuanë, një peshore etj.

Ndaj personit të dyshuar është iniciuar rast për posedim të paautorizuar të substancave narkotike, psikotrope ose analoge dhe i njëjti me vendim të prokurorit është dërguar në mbajtje.