Policia e Milanos ka arrestuar një bandë hajdutësh për të cilët thuhet se janë përgjegjës për disa vjedhje në shtëpitë e disa personave të famshëm në Milano.

“Hajdutët akrobatikë” siç përshkruhen nga mediat italiane, janë në fakt dy të rinj me origjinë serbe, transmeton lajmi.net.

Të ashtuquajturit Cristian Radosavljevic (27 vjeçar) dhe Samuel Milenkovic (26 vjeçar), dy të rinj që kanë lindur në Milano por që kanë origjinë serbe,  ishin përgjegjës për vjedhjen e shtëpive të Achraf Hakimit dhe prezantueses italiane, Diletta Leotta.

Gjykata italiane ka caktuar paraburgimin për të dyshuarit, të cilët dyshohet se kanë vjedhur një rolex dhe çantat e prezantueses italiane.

Hajdutët kanë marrë emrin “Hajdutët akrobatikë”, pasi dolën pamjet nga Policia italiane ku shihet dyshja ne mënyrë akrobatike duke kapërcyer muret e shtëpisë./Lajmi.net/