Kaçanikasit protestojnë kundër ndotjes së lumit Nerodime
Ndotja e lumit Nerodime dhe era që po shkakton ka shtyrë qytetarët e Kaçanikut që të mërkurën të organizojnë një protestë para komunës.
![](https://lajmi.net/wp-content/uploads/2019/08/nerodime-600x360.jpg)
Lajme
Qytetarët e Kaçanikut, me inciativën e regjisorit Ben Apolloni, pritet të mbajnë një protestë para komunës së Kaçanikut më 14 gusht.
Njoftimi i plotë:
Për protestë urgjente kundër qelbjes.
Ju njoftojmë se të mërkurën, më 14. 08. 2019, do të protestohet para Komunës në Kaçanik.
Arsyeja e kësaj proteste është që urgjent të ndërmerren masa kundër kutërbimit të lumit Nerodime, i cili tashmë ka arritë në nivel alarmant dhe erërat e rënda janë bërë të padurueshme.
Organet komunale nuk kanë ndërmarrë asgjë për ta parandaluar ose sanuar gjendjen edhe pse ky problem na ka shqetësuar qe shumë vite, ne, qytetarëve të Komunës e Kaçanikut.
Protesta do të fillojë në ora 10:00 dhe do të zgjase 30 minuta.
Nga grupi iniciatorë qytetarë,
Ben Apolloni. /Lajmi.net/