Juventusi me probleme të mëdha defensivë, shqyrtohet mundësia e rikthimit të parakohshëm të De Ligt
Kritikat e mëdha për Juventusin ndoshta do bëjnë që qendërmbrojtësi Mathtijs de Ligt të rikthehet ndaj Cagliarit.
Sport
Pushimi internacional nuk ka qenë i mirë për “Bianconerët” që janë pa dyshen Giorgio Chiellini dhe Leonardo Bonucci që janë lënduar, transmeton lajmi.net.
Të dy kanë probleme muskulore, derisa lëndimi i Bonuccit ende nuk është identifikuar, kurse Chiellini do mungojë rreth një muaj.
Kjo nënkupton që qendërmbrojtësit e mbetur për sfidën e radhës ndaj Cagliarit janë Merih Demiral, Danilo dhe De Ligt.
Shqetësimi është që holandezi nuk ka luajtur që nga koha kur u operua në gusht, por kritikat e mëdha mund të nxisin Andrea Pirlon t’i jap lojtarit disa minuta që të luajë.
Alex Sandro gjithashtu është rikthyer nga lëndimi afatgjatë./Lajmi.net/