Përfaqësuesi i komunitetit egjiptian Veton Berisha e njoftoi Presidenten Jahjaga me kushtet e jetës së qytetarëve të komunitetit egjiptian, ku vlerësoi mundësin që ka ky komunitet.

“Kosova është shembulli më i mirë në rajon për respektim e të drejtave dhe integrimin institucional dhe shoqëror të këtij komuniteti”, tha ai thuhet në një njoftim të zyrës së Presidencës.

Kurse, presidentja Jahjaga e vlerësoi integrimin e komunitetit egjiptian në jetën shoqërore të Kosovës, duke theksuar se Kosova është vend i  barabartë për të gjithë.

“Kosova është shtet i qytetarëve të barabartë dhe komuniteti egjiptian pa dallim, ndan të njëjtën perspektivë me të gjithë qytetarët e vendit”, ka thënë Jahjaga.

Presidentes Jahjaga ky delegacion i përfaqësuesve të komunitetit egjiptian i dorëzoi mirënjohje me të cilën vlerësohet përkrahja dhe angazhimi i saj për integrimin e plotë të komunitetit egjiptian në jetën shoqërore dhe institucionale të Kosovës.