Laurene Powell, bashkëshortja e të ndjerit Steve Job, ka bërë gjithçka që filmi për Jobs të mos realizohej.

Ajo ka telefonuar aktorët Leonardo DiCaprio e Christian Bale dhe i ka thënë të mos e bëjnë filmin, kur ata janë caktuar për rolin e Jobs, transmeton lajmi.net, ndërsa ajo ka folur edhe me studiot më të mëdha në Hollywood për t’i thënë të mos pranojnë të financojnë filmin.

Këtë gjë e zbulon vetë skenaristi Aaron Sorkin, i cili gjithashtu tregon se as Laurene, as Tim Cook e askush nga Apple nuk kanë ndihmuar aspak për krijimin e këtij filmi.

Filmi ‘Steve Jobs’ këtë fundjavë do fillojë të shfaqet në kinematë botërore ndërsa në rolin e ish-menaxherit të Apple është aktori Michael Fassbender./Lajmi.net