Një delegacion nga transmetuesi italian i RAI ka udhëtuar në selinë e EBU-së në Gjenevë, pasi përgatitjet për Eurovision 2022 fillojnë të marrin formë, shkruan Wiwiblogs, transmeton lajmi.net.

Të martën, Zëvendësdrejtori i RAI Uno, Claudio Fasulo dhe Shefi i Delegacionit Simona Martorelli u takuan me Mbikëqyrësin Ekzekutiv të Eurovision Martin Österdahl dhe anëtarët e Grupit të Referencës Eurovision.

Anëtarët e këtij grupi përfshijnë producentë nga transmetuesit të cilët së fundmi kanë qenë nikoqir të Eurovision dhe të tjerë, dhe ata punojnë me vendin e ri pritës për të siguruar që Eurovision të trajtohet në mënyrë korrekte.

Duke folur për Eurovision.tv, Shefja e Delegacionit Italian Simona Martorelli shpjegoi se si vendi po bëhet gati për festivalin e vitit të ardhshëm.

“Ekziston shumë entuziazëm rreth Festivalit të Këngës Eurovision në Itali. Kjo fitore është e kombinuar me një ndjenjë rilindjeje për të cilën Italia ka vërtet nevojë. Ne po presim me padurim të punojmë me Grupin e Referencës për prodhimin e një festivalit të pabesueshëm në Itali më 2022″, shton ajo.

Mbikëqyrësi Ekzekutiv, Martin Österdahl, gjithashtu vuri në dukje se si është takimi i parë i Grupit të Referencës në mënyrë fizike, që nga fillimi i pandemisë.

“Është mirë që më në fund të jesh në gjendje të mirëpresësh Grupin e Referencës në Gjenevë dhe të takohesh personalisht për herë të parë në më shumë se 18 muaj”, tha ai.

Martorelli megjithatë, nuk dha shumë detaje mbi procesin. “Detyra jonë e parë është sigurisht të gjejmë një Qytet të Mrekullueshëm të shkëlqyeshëm gjatë verës për shfaqjen e vitit të ardhshëm”.

Roma, Milano, Sanremo, Napoli, kanë shprehur interesimin për t’u bërë nikoqir të “Eurovisionit”. /Lajmi.net/