Irak: Numri i të vrarëve nga sulmi vetëvrasës arrin në 80 vetë
Nga një sulm vetëvrasës, për të cilin përgjegjësinë e ka marrë grupi ekstremist, Shteti Islamik, janë vrarë së paku 80 vetë, shumica prej tyre pelegrinë iranianë, kanë thënë zyrtarët irakianë.
![](https://lajmi.net/wp-content/uploads/2016/11/F0194712-4043-4D87-945A-94B60BADEF3B_cx0_cy14_cw0_w987_r1_s_r1.jpg)
Bota
Sulmi ka ndodhur dje në qytetin e shenjtë shiit, Karbala, afro 100 kilometra në jug të kryeqytetit Bagdad.
Duke cituar burime policore dhe mjekësore, agjencia Reuters ka raportuar se numri i të vrarëve ka arrritur në afro 100 vetë.
Dhjetëra të tjerë janë plagosur nga ky sulm.
Pelegrinët iranianë ishin duke u kthyer nga një ceremoni me rastin e Arbainit në vendin Karbala.
Militantët e Shtetit Islamik e kanë marrë përgjegjësinë për këtë sulm nëpërmjet një kumtesë në Internet, duke thënë se sulmin e kanë kryer luftëtarët e tyre irakianë.