Interi ka triumfuar ndaj Lecces në takimin e zhvilluar të dielën mbrëma (sot), në kuadër të javës së 25-të në Serie A.

Ekipi zikaltër fitoi pastër 2:0 kundër Lecces në stadiumin “Giuseppe Meazza” në qytetin e modës, shkruan lajmi.net.

Lecce rezistoi deri në minutën e 29-të kur mesfushori turk, Hakan Çalhanoglu zhbllokoi rezultatin me një gol të bukur.

Lautaro Martinez shënoi golin e dytë dhe të fundit në këtë përballje në minutën e 53-të.

Falë kësaj fitoreje, Interi ngritet në pozitën e dytë me 50 pikë, 15 më pak se Napoli lider.

Lecce zë vendin e 15-të me 27 pikë gjithsej./Lajmi.net/