Interi ka arritur të shënojë një fitore të vështirë në shtëpi ndaj Torinos.

Ndeshja e luajtur në kuadër të xhiros së gjastë të Serie A përfundoi në favor të Interit me rezultat minimal 1-0.

Ndonëse “Zikaltrit” patën inciativë më të madhe, nuk arritën të krijonin shumë gjatë 90′ minutrave lojë.

Në të dy pjesët 45′ minutëshe, pati mungesë të rasteve të pastra për shënim, e për rrjedhojë loja e mesfushës nuk erdhi shumë në shprehje.

Gjithçka u kthye në favor të Interit në minutën e 89′ ku pas një asisti të Barellas, ishte Brozovic që e shfrytëzoi rastin për ta dërguar topin në rrjetë.

Interi kështu me këtë fitore ngritet në pozitën e 3’të në tabelë me 12 pikë, 1 më pak se Atalanta që ka një ndeshje më pak të luajtur dhe 1 më shumë se Milani që gjithashtu luan sonte kundër Sampdorias në kuadër të xhiros së gjashtë në Serie A.

Napoli është kryesuese e tabelës në Serie A me 14 pikë. /Lajmi.net/