Borussia Dortmund më në fund ia arriti qëllimit.

Klubi gjerman ka arritur marrëveshje me Torinon dhe Juventusin (klube që kanë pronësinë e përbashkët), për transferimin e sulmuesit Ciro Immobile, ka bërë të ditur e përditshmja sportive italiane, Gazzetta dello Sport.

Dortmund ka ofruar 19.4 milionë euro për Immobilen, anëtar i Kombëtares italiane për Kampionatin botëror në Brazil.

Golashënuesi më i mirë i sezonit të fundit në Serie A pritet të nënshkruajë kontratë pesëvjeqare me Dortmundin, ku do të përfitojë 2 milionë euro në vit.

Ai mund të konsiderohet si pasardhës i golgeterit polak, Robert Lewandowski i cili është larguar nga Dortmund, duke iu bashkuar rivalit të Bundesligës, Bayern Munich.