Këto fotografi shfaqin horrorin e varësisë nga droga në Britani, gjatë vitit 2015, të cilat janë marrë gjatë një bastisjeje të policisë, në shtëpinë që tashmë ishte duke u shfrytëzuar për përdorimin e drogës, raporton gazeta Mirror, transmeton lajmi.net.

Në imazhet e shfaqura shihet dhoma e cila  është e mbushur me mbeturina, përfshirë këtu shishe, ilaçe, kanaçe të pijeve dhe lecka.

Kjo shtëpi që ishte bërë si një strofull e përdorimit të drogës, është zbuluar nga  policia e Mançesterit, pasi këta zyrtarë filluan kontrollimin e kësaj shtëpie.

Pas disa hulumtimeve të bëra nga policia, shtëpia është mbyllur, ka bërë të ditur policia, dh se kjo  pronë ishte duke iu shkaktuar probleme të panumërta banuesve që jetonin në atë zonë.

Është e kuptueshme që ankesat dhe raportet nga banorët, kishin të bënin me atë se  shtëpia ishte duke u përdorur për të shitur dhe marrë drogë, përfshirë këtu edhe heroinën. (lajmi.net)