Nash ishte edhe lojtari më i mirë në NBA (MVP), si dhe pati shumë suksese të tjera të mëdha, por duket se një ëndërr kishte pasur pa plotësuar përmes basketbollit.

Nash është shquar për aftësitë e tij në futboll. Ai së fundmi ka luajtur në një ndeshje me Ronaldinhon dhe për të kjo do të thotë një ëndërr më shumë e plotësuar.

Momenti kur ëndrra e tij u plotësua erdhi gjatë së shtunës mbrëma në Miami, kur ai ishte pjesë e një ndeshje të organizuar nga Ronaldinho e Roberto Carlos, dhe ish-basketbollisti e pa veten të rrethuar me yje që i sollën flutura në bark.

“Është një nder i madh të luaja me disa nga lojtarët më të mëdhenj që kanë luajtur këtë sport, njerëz që i kam admiruar, njerëz që babai im dhe unë i shihnim në televizor”, ka thënë Nash, transmeton lajmi.net.

“Ishte mahnitëse. Ishte qejf të zbrisja në fushë. Për dekada, unë nuk kam luajtur në një ndeshje me nga 11 lojtarë, por ishte shkëlqyeshëm. Të shënoja gol me asistim të Stoichkov dhe të kisha një prekje të parë të mirë, bëri ëndrrën time realitet, të jem i sinqertë”, shtoi Nash.

Steve Nash është aktualisht 48 vjeçar por ai nuk po i ndalë aktivitetet e tij sportive. /Lajmi.net/