Një zyrtar policor është goditur me veturë gjatë kontrollit të një automjeti në pikën kufitare në Bërnjak të Zubin Potokut.

Forca te rendit njoftuan, të enjten, se i dyshuari, shtetas kosovar, ishte ndaluar të martën rreth orës 16:30, derisa drejtonte një automjet me targa vendore.

Gjatë kontrollit të dokumenteve, ai dyshohet se e ka nisur veturën për t’u larguar nga vendi, duke e goditur zyrtarin policor.

Këtij të fundit, që ka pësuar lëndime, i është ofruar trajtim mjekësor, ndërsa policia njofton me vendim të prokurorit rasti vazhdon të hetohet.