Art Merkoja, aktivisti që u fotografua të dielën nga ministri në detyrë i Punëve të Brendshme, Xhelal Sveçla është deklaruar pas incidentit.

Ai thotë se veprimet e tij nuk ishin në kundërshtim me ligjin.

“Unë i di ligjet. Nuk kam qenë në ambientet e brendshme të shkollës. Kam qenë krejtësisht në rrugë”, tha ai në T7.

Shtoi se nuk e kishte pritur një sjellje të tij nga një zyrtar qeveritar, porse “tri shkronja i penguan” Sveçlës.

“Unë nuk e prita, me të kallxu drejt. Reagova me kulturën që e kam kriju vetë dhe që e kam kriju në Forumin e Rinisë së Lidhjes Demokratike. I penguan tri shkronjat e arta të Lidhjes Demokratike të Kosovës. Unë jam krenar dhe i mbaj me nder këto tri shkronja”, tha Merkoja.