Barcelona po interesohet për yllin brazilian të Leeds United, Raphinha.

Skuadra e Raphinha mund të bie nga liga pas humbjes së sotme, dhe nëse mbesin në atë pozitë edhe për tri ndeshjet e fundit, atëherë operacioni do të lehtësohet për Barcën, përcjell lajmi.net.

Rënia e Leeds nga liga nënkupton se klauzola e tij prej 25 milionë eurove mund të aktivizohet.

Nëse Leeds United i shpëton rënies nga liga, atëherë shuma e kërkuar për kartonin e brazilianit do të jetë dyfish më e lartë.

Mbetet të shihet se si do të bëjë skuadra angleze deri në fundin e sezonit. /Lajmi.net/