Hoxha nga Mitrovica: Koronavirusi është dënim nga Zoti, sepse nuk po lejoni që gratë myslimane t’i vendosin ferexhetë

Imami kontrovers nga Mitrovica, Fatmir Latifi, i cili njihet për deklaratat e tij të çuditshme para besimtarëve gjatë ritualit fetar, ka shpjeguar tani edhe për virusin vdekjeprurës kinez koronavirusin (COVID-19).

Lajme

07/03/2020 10:00

Imami Latifi po thotë se koronavirusi po vjen nga vet sjellja e burrave, pasi ata nuk lejuan që gratë myslimane të vendosin ferexhetë.

Sipas tij edhe burrat tani kanë vendosur ferexhe, duke ironizuar me maskat e vendosura tek pjesa e gojës si masë kundër mbrojtëse ndaj virusit.

“U qun pesh si lojshin myslimanët mi qit ferexhetë, Allahu i madh jau qoj tash edhe burrave, s’keni dashtë për gra tash edhe burrat me i qit maskat tonë me ferexhe”, ka thënë Latifi.

Më poshtë keni edhe videon ku dëgjohet imami kontrovers duke thënë deklaratën çuditëse për koronavirusin.