Hoxha komenton deklaratat e Sholtes dhe Fajon për vizat
Ministrja e Integrimeve, Dhurata Hoxha vlerëson lartë Sholtes dhe Fajon rreth liberalizimit të vizave.
Lajme
Ministrja e Integrimit Evropian, Dhurata Hoxha, sot ka vlerësuar lart deklaratat e euro deputetit dhe Raportuesit për Kosovën Igor Sholtes dhe Raportueses së Parlamentit Evropian për Kosovën, Tanja Fajon, përcjell lajmi.net.
Ministrja Hoxha, ka theksuar se “Ne presim nga Këshilli i Ministrave që të përdorin standarde të njëjta për çështjen e njëjtë, këtë e meritojnë qytetarët tanë. Madje, në rastin tonë, vlerat e BE-së, nuk presim të bien ndesh me vlerat e proklamuara, edhe për Kosovën!”.,
Ja postimi i plotë i Ministres Hoxha në rrjetin social:
“Dy qëndrimet e sotme, të Z. Sholtes dhe znj. Fajon, janë për çdo respekt, ngase, rikonfirmojnë qëndrimet tona, vizionin dhe besimin tonë, në punën dhe përkushtimin e përbashkët me BE-në dhe faktorët tjerë relevantë për liberalizim.
Ne presim nga Këshilli i Ministrave që të përdorin standarde të njëjta për çështjen e njëjtë, këtë e meritojnë qytetarët tanë. Madje, në rastin tonë, vlerat e BE-së, nuk presim të bien ndesh me vlerat e proklamuara, edhe për Kosovën!” /Lajmi.net/