Holanda mbetet pa Van der Vaartin
Mesfushori Raphael van der Vaart ka pësuar një lëndim gjatë seancës stërvitore të Holandës, dhe do të mungojë në Kampionatin botëror në Brazil.
![](https://lajmi.net/wp-content/uploads/media/image/201405/full/51755100_52494300.jpg)
Sport
Mesfushori i Holandës, Rafael Van der Vaart do të mungojë në Kampionatin botëror për shkak të një lëndimi në këmbën e djathtë.
Federata e Futbollit të Holandës njoftoi se dëmtimi nënkupton se selektori Louis van Gaal nuk do ta inkuadrojë futbollistin më me përvojë, në ekipin e tij final për garën në Brazil.
Ylli i Hamburgut ka bërë 109 paraqitje për Holandën, dhe mungesa e tij është goditje e rëndë për ekipin që pikërisht në mesfushë nuk do të mund të llogaris as në yllin e Romës, Kevin Strootman, për shkak të lëndimit të gjurit, dhe operacionit të cilit iu nënshtrua në mars.
Brazili ishte pritur të jetë Botërori i tretë për Van der Vaartin, dhe në mungesë të tij, Van Gaal pritet ta inkuadrojë Wesley Sneijderin në rolin e mesfushorit kreativ.