Haziri: Elez Muja përmes mënyrës së jetesës së tij bëri heroizmin për atdheun e vendin tonë
Teksa ende po zhvillohet akademia përkujtimore për veprimtarinë e Elez Muja në komunën e Gjilanit, fjalën e ka marrë edhe ish-kryetari i kësaj komune Lutfi Haziri. Haziri gjatë fjalës së tij tha se është i lumtur sot, ku Elez Muja po përkujtohet si një mësues e kryengritës ushtarak. “Përkujtojmë edhe të gjallët sot si Agroni…
Lajme
Teksa ende po zhvillohet akademia përkujtimore për veprimtarinë e Elez Muja në komunën e Gjilanit, fjalën e ka marrë edhe ish-kryetari i kësaj komune Lutfi Haziri.
Haziri gjatë fjalës së tij tha se është i lumtur sot, ku Elez Muja po përkujtohet si një mësues e kryengritës ushtarak.
“Përkujtojmë edhe të gjallët sot si Agroni e Përparimi, e ata që nuk janë më si Elezi e Enveri. Shpirti i tij bëftë dritë në tokën e Kosovës, ëndrra dhe mësimi i tij që kauza që shqiptarët të jetojnë dhe kontribuojnë bashkë të jetojë përgjithmonë”,ka thënë Haziri.
Tutje Haziri është shprehur se rruga e cila do të mbajë tani e tutje emrin “Elez Muja”, është pak krahasuar me atë që duhet të mësojnë të rinjtë mbi kontributin që e dha ai së bashku me familjen e tij.
“I nderuar sot t’i bashkohemi familjes Muja për atë që çdoherë kemi kontribuar të gjithë. Jam i nderuar që sot me Valentinën, Bardhylin, Doarsën e të gjithë iu bashkuam familjes suaj”.
Haziri ka thënë se Muja dhe vepra e tij do të nderohet gjithmonë nga e gjithë Anaromava.
“Heroizmin e tij e përcaktoi mënyra se si ai jetoi jetën e tij me kontributin e dhënë ndaj familjes dhe atdheut. Do të nderohet gjithmonë nga familja e tij, fshati i tij dhe gjithë Anamorava”- tha kryetari Haziri në këtë akademi përkujtimore. /Lajmi.net/
