Sipas “La Gazzetta dello Sport, Denzel Dumfries ka ndërruar agjent, dhe përfaqësuesi i tij i ri, Jorge Mendes, ka krijuar kushtet për një transferim të mundshëm te Barcelona.

Mbrojtësi i Interit, Dumfries, mund t’i bashkohet Barcelonës këtë verë, pasi ka një klauzolë lirimi prej rreth 25 milionë eurosh.

Sipas “Sportitalia”, klauzola e mbrojtësit do të rritet nga 20 milionë në 30 milionë euro në dy javët e para të korrikut, që do të thotë se aktualisht është aktive për klubet e interesuara për mbrojtësin.

Barcelona duket të jetë ndër pretendentët e mundshëm, pasi “Gazzetta” pretendon se agjenti i ri i Dumfries, Jorge Mendes, ka krijuar kushtet për një transferim të mundshëm në Katalonjë këtë verë.

Mendes kohët e fundit ka zhvilluar bisedime me katalanasit të cilët duan të marrin një përforcim për pozicionin e mbrojtësit të djathtë këtë verë.

Megjithatë, kampionët në fuqi të La Ligës janë të vetëdijshëm se duhet të veprojnë shpejt nëse duan të nënshkruajnë me Dumfries, pasi klauzola e lirimit të mbrojtësit skadon më 15 korrik.

Interi tashmë ka nënshkruar me Luis Henrique, në një marrëveshje prej 25 milionë eurosh nga Marseille këtë verë, dhe sipas ‘Gazzetta’, ‘Nerazzurrët’ do të kërkojnë Dan Ndoye të Bolonjës nëse Dumfries largohet.