Këto katër vetura u “gllabëruan” kur një “gropë” gjigante u formua në një vend ndërtimi në kryeqytetin e Brazilit, Brazilia. Ngjarja ka ndodhur në afërsi të një lokacioni ku po kryheshin ende punime, kur befas gjysma e rrugës u shemb si nëpër filma apokaliptikë, përcjell Periskopi.

Si rezultat i shembjes, veturat e parkuara përfunduan në gropë, ndërsa mediat lokale kanë raportuar se nuk ka pasur njerëz të lënduar për fat të mirë.

Ndërkohë, autoritetet e atjeshme kanë thënë se tashmë janë hapur hetimet për të përcaktuar shkakun që çoi në shembjen e kësaj rruge.