Përfaqësues të Kombëtares së Turqisë kanë mbajtur në Prishtinë konferencë për media, një ditë para përballjes me Kosovën në stadiumin “Fadil Vokrri”.

Në konferencë janë paraqitur trajneri i Turqisë, Vincenzo Montella dhe ylli i Interit, Hakan Çalhanoglu.

Turku, nuk i ndali fjalët e mira për kosovarët duke i quajtur vëllezër.

Më pas foli dhe për lojtarët tanë si Vedat Muriqi dhe Mërgim Vojvoda.

“Unë e njoh Vedatin e Vojvodën, dhe kam shumë shokë shqiptarë, i di disa fjalë edhe shqip, por nuk mund t’i them këtu në konferencë…”, ishin fjalët e Çalhanoglut.

Ai ka thënë se nuk e nënvlerëson Kosovën.

“Unë kurrë nuk e kam nënvlerësuar asnjë kundërshtar. Kualitetin luan rol, por nesër fiton skuadra që luan më me zemër.”, ka thënë Çalhanoglu.