Kandidati i Lëvizjes Vetëvendosje për kryetar të Prishtinës, Hajrulla Çeku, nuk do të marrë pjesë në debatin televiziv kundër kandidatëve tjerë për këtë komunë.

Zëdhënësi i Lëvizjes Vetëvendosje, Arlind Manxhuka, ka bërë të ditur se kanditatët e LVV-së nuk do të marrin pjesë në debatet që do të mbahen në Klan Kosova.

“Lëvizja VETËVENDOSJE! nuk merr pjesë në debatet e TV Klan Kosova. Ne e kemi konfirmuar pjesëmarrjen në TV Dukagjini, në 2 debate, në KTV, në Kanal 10 si dhe në Radiotelevizionin publik. Çdo njoftim tjetër është spekulim”, thuhet në reagimin e Manxhukës në Facebook.

Edhe pse vetë Hajrulla Çeku e kishte konfirmuar pjesëmarrjen e tij, duket se gjërat kanë ndryshuar.

Debati për Prishtinën ishte parparë të mbahej më 6 tetor në emisionin Rubikon në KlanKosova.