Manchester City është mposhtur mbrëmë në gjysmëfinalen e Kupës FA në përballjen ndaj Arsenal.

Pas ndeshjes, disa fjalë ka thënë edhe Ilkay Gundogan, i cili beson se ishte fakti që Arsenal dëshiroi më shumë finalen ai që vendosi takimin.

“Mendoj se energjia që kishim kur filluam pjesën e dytë ishte ajo që kishim nevojë ta kishim në fillimin e ndeshjes”, ka thënë Gundogan, transmeton lajmi.net.

“Ndonjëherë një pjesë e dobët është e mjaftueshme për të humbur ndeshjen dhe dukej sikur Arsenal e dëshironin më shumë kalimin në finale, gjë që është pjesa më frustruese”, ka shtuar mesfushori.

Manchester City tashmë fokusin kryesor do ta ketë në Ligën e Kampionëve, trofe pas të cilit është tash e sa kohë pa arritur ta fitojë. /Lajmi.net/