Trajneri i Manchester Cityt, Pep Guardiola, ka hedhur poshtë thashethemet për një përçarje me mesfushorin Kevin de Bruyne dhe thotë se mezi po e pret rikthimin e tij në formën më të mirë.

De Bruyne ka startuar në vetëm katër ndeshje në Premier League në një tjetër sezon të penguar nga lëndimi. Megjithatë, ai është paraqitur për vetëm 72 minuta në pesë paraqitje si zëvendësues që kur u kthye nga një mungesë tetë-javore me një problem abdominal muajin e kaluar.

Kishin mbetur vetëm 12 minuta në “Anfield” të dielën kur Guardiola futi De Bruyne në humbjen 2-0 nga Liverpooli, përcjellë KosovaPress.

“Njerëzit thonë se kam një problem me Kevin,” tha ai. “A mendon se më pëlqen të mos luaj me Kevin? Nuk dua që Kevin të luajë? Djali që ka më shumë talent në fazën ofanzive. Nuk e dua? Kam një problem personal me të pas nëntë vjetësh bashkë?. Ai më ka dhënë suksesin më të madh për këtë klub. Unë jam i etur për ta ktihyer më të mirën e tij”, theksoi Guardiola.

De Bruyne ishte jashtë fushës nga gushti deri në fillim të janarit sezonin e kaluar, pasi pësoi një përsëritje të një problemi të kofshës që e detyroi atë të zëvendësohej në gjysmën e parë të fitores finale të Ligës së Kampionëve 2023 ndaj Interit.

Kontrata e tij skadon verën e ardhshme dhe De Bruyne ka konfirmuar se ende nuk ka bisedime për një zgjatje të saj, pasi ai ka prioritet rikthimin e tij.