Gripi ua merr jetën 58 personave në Greqi
“Është tragjike që për vaksinën që kushton vetëm 6 euro, të humbasin jetë njerëzore”, thekson Shoqata e Mjekëve të Athinës.
![](https://lajmi.net/wp-content/uploads/media/image/201402/full/Greqia.jpg)
Bota
Gripi stinor ka shkaktuar mbi 58 viktima në shtetin helen, ndërsa autoritetet janë në alarm se situata mund të përkeqësohet.
“Është tragjike që për vaksinën që kushton vetëm 6 euro, të humbasin jetë njerëzore”, thekson Shoqata e Mjekëve të Athinës.
Sipas ISA, 40% e popullsisë që i përket grupit me rrezikshmëri të lartë, nuk arriti të vaksinohet për gripin stinor, pasi mjaft farmacistë deklaruan se sasitë e vaksinave që mbërritën në farmacitë e tyre ishin shumë më të vogla, nga sa ata kishin porositur dhe në të njëjtën kohë nuk u dërguan vaksina në njësitë e kujdesit parësor shëndetësor.
Shoqata e Mjekëve e cilëson si kriminale mungesën e politikës vaksinuese në Greqi, por edhe deklaratave të joekspertëve, të cilët vitet e mëparshme e terrorizuan popullsinë, me hipoteza të pabazuara shkencërisht mbi komplikimet e mundshme nga vaksinimi, gjë që i la mijëra qytetarë të ekspozuar në pandeminë e gripit.
Autoritetet shëndetësore thonë se fluksi në qendrat shëndetësore, është i madh dhe virusi H1N1 po përhapet me shpejtësi të madhe.
(Kosovapress)