Grabovci tha se ai ka vërejtje lidhur me atë se si është shkruar kjo çështje, pasi sipas tij është politizuar tej mase.

“Kam vërejtjet e mia rreth formës si është shtruar kjo çështje sepse është politizuar përtej mase. Është një çështje me interes nacional që u takon të gjithë qytetarëve të Republikës së Kosovës dhe jo vetëm deputetëve të Kuvendit të Kosovës. Gjithsesi se deputetët kanë detyrë dhe përgjegjësi të hulumtojnë dhe para se të bijnë ndonjë vendim, të shofin, të analizojnë, të studiojnë të kryejnë të gjitha konsultat e nevojshme që të bijnë vendime të cilat janë në dobi të qytetarëve të Kosovës, që nuk bien ndesh me interesat e vendit.

“Në rastin konkret ne kemi të bëjmë me tërësinë territoriale të vendit dhe kjo çështje kërkon një trajtim jashtëzakonisht të kujdesshëm por kësaj kur i shtohen edhe raportet që i kemi me Malin e zi, si shtet mik, që ka tregu gatishmërinë dhe vullnetin që në rast se ka një lëshim gjatë punës së Komisionit aktual, jemi të gatshëm që të rinegociojmë apo të korrigjojmë atë vendim”, tha Grabovci për RTV21.