Grabovci ka thënë për Express se nuk do të jenë as 100, as 70, por më pak zëvendësministra që do të emërohen në kabinetin e ri qeveritar.

“Ende nuk është diskutuar në Kryesi të Partisë për emërimin e zëvendësministrave”, ka thënë ai.

Shefi i Grupit Parlamentar të PDK-së ka treguar se PDK, LDK dhe minoritetet do të diskutojnë gjatë ditëve në vazhdim për funksionalizimin e plotë të Qeverisë.

“Ende nuk është diskutuar për numër të saktë. Por, nuk do të jenë 70 zëvendësministra. Javën e ardhshme do të kompletohet Qeveria edhe me emërimet e zëvendësministrave. Nuk mund të shtyhet më shumë se edhe javën e ardhshme”, ka thënë Grabovci për Express.

Qeveria e re e udhëhequr nga Isa Mustafa është votuar më 9 dhjetor. Ajo është qeveria më e madhe që nga pas lufta, pasi që ka 21 ministri dhe 3 zëvendsëkryeministra.