Grabitet nën kërcënimin e armës tregtari i duhanit
Një tregtar në zonën e “Tregut ushqimor”, pranë zonës së njohur si “Qyteti i nxënësve” në kryeqytet, ka rënë prè e grabitjes me armë gjatë orëve të para të mëngjesit të kësaj të marte.
Lajme
Sipas informacionit paraprak të policisë, persona të paidentifikuar i kanë marrë pronarit të një dyqani 30 steka paketash, nën kërcënimin e një sendi në dukje si armë.
Tregtari ka lajmëruar menjëherë policinë pasi ka ndodhur ngjarja, ndërkohë që tashmë po merret në pyetje nga forcat blu.
Policia, nga ana e saj po punon për identifikimin dhe kapjen e autorëve të kësaj vjedhjeje. /Top Channel
