Një person ka goditur xhamat në një diskotekë në Gjilan, duke i shkaktuar kështu lëndime trupore vetes.

Pasi kishte ardhur me veturë në Prishtinë, banorët e rrugës “Muharrem Fejza” janë shqetësuar të shtunën kur kanë parë të parkuar një veturë që kishte njolla gjaku në të.

Në vendin e ngjarjes kanë arritur edhe Policia e Kosovës, ndërsa agjencia e lajmeve Kosovapress kishte raportuar se vetura ishte sulmuar me armë zjarri dhe se dyshohej për të plagosur.

E gjithë kjo u mohua nga policia e cila doli me njoftim duke dhënë detaje rreth rastit.
“Bazuar në të dhënat fillestare dyshohet se vetura në fjalë ka transportuar një person të lënduar në një rast i cili po trajtohet nga Drejtoria Rajonale Gjilan”, kishin deklaruar nga policia.

SQARIM: Ky lajm është edituar, pasi që fillimisht lajmi.net ka raportuar bazuar në informacionet e agjensisë së lajmeve Kosovapress, të cilat më vonë rezultuan të pasakta. Lajmi.net nuk ka pasur për qëllim raportimin e pasaktë ose të rrejshëm rreth ngjarjes, andaj edhe ju kërkon falje lexuesve të cilët kanë mundur të bien pre e raportimit të pasaktë për gjuajtje me armë zjarri. Pas njoftimit nga policia, lajmi.net kishte publikuar lajmin me informacionet e konfirmuara nga organet e rendit. /Lajmi.net/