Të Infektuar: 39.057

Të Shëruar: 24.427

Të Vdekur: 1.005

Gjithçka që duhet të dini për “American Music Awards 2020”

16:38 | 22 Nentor 2020

Foto: Google

Ja çfarë duhet të dini për AMAS këtë vit.

Në fillim të këtij muaji, ABC njoftoi se Taraji P. Henson do të jetë nikoqire e AMAs për herë të parë në karrierën e saj nga Teatri Microsoft në Los Angeles. Ylli i Empire, 50 vjeçe, ndjek gjithashtu Ciara dhe Tracee Ellis Ross – dhe nuk mund të ishte më e ngazëllyer se sa për të rrëmbyer këtë rol, shkruan Usa Today.

Pavarësisht nga pasiguria e pandemisë së coronavirusit, ABC konfirmoi në korrik se AMAs do të mbahet në mënyrë ‘virtuale’. Katër muaj më vonë, Dua Lipa zbuloi listën e gjatë të të nominuarve dhe interpretuesve mbresëlënës që pritet të dalin në skenë, përfshirë edhe veten, transmeton lajmi.net.

Kur do të mbahet?

AMAs do të shfaqet në ABC të dielën, më 22 nëntor në orën 8 të mbrëmjes. Shfaqja po ashtu mund të ndiqet edhe në faqen zyrtare të ABC në një transmetim ‘live’.

Kush është prezantues?

Në fillim të këtij muaji, ABC konfirmoi se Henson do jetë nikoqire e AMAs për herë të parë në karrierën e saj shumëvjeçare.

 

Kush është nominuar?

Weeknd dhe Roddy Ricch, janë dy artistët që kryesojnë me tetë nominime. Të nominuarit e tjerë përfshijnë Lady Gaga, Doja Cat, John Legend, Jonas Brothers dhe Megan Thee Stallion, e cila është artistja femër më e nominuar në AMAs këtë vit.

Justin Bieber, Post Malone, Roddy Ricch dhe The Weeknd do të përballen kundër Swift për ‘Artistin e vitit’.

Kush do të performojë?

Katy Perry po rikthehet me një performancë të “Only Love”, teksa kjo është shfaqja e saj e parë televizive që pas lindjes së vajzës Daisy në fillim të këtij viti. Dua Lipa, grupi ikonik BTS, Billie Eilish, Shawn Mendes, Bad Bunny dhe Megan Thee Stallion gjithashtu do interpretojnë.

Jennifer Lopez dhe Maluma do të japin shfaqjen debutuese të bashkëpunimeve të tyre “Pa ‘Ti” dhe “Lonely”.