Një njësi e rëndë luftarake me 4,800 ushtarë dhe 200 anëtarë civilë u inaugurua në Lituani në kufirin lindor të NATO-s.

Në shënim të këtij momenti, kancelari gjerman vizitoi Lituaninë, duke kërkuar nga aleatët zgjerimin e përpjekjeve për të forcuar mbrojtjen evropiane kundër Rusisë agresive.

Brigada e re, e 45-ta e tankeve, u krijua si përgjigje ndaj pushtimit të plotë të Ukrainës nga Rusia në 2022 dhe pritet të arrijë kapacitetin e plotë operativ deri në vitin 2027.

Në fjalën e tij, kancelari Merz u shpreh me fjalët: “Së bashku me partnerët tanë, jemi të vendosur të mbrojmë territorin e aleancës nga çdo agresion. Siguria e aleatëve tanë baltikë është edhe siguria jonë.”

Kjo vendosje, e para për Bundeswehr-in që nga përfundimi i Luftës së Dytë Botërore, synon të forcojë mbrojtjen e Lituanisë dhe republikave baltike Estonisë dhe Letonisë, ish-shtete sovjetike që janë bërë anëtare të NATO-s dhe BE-së, nën frikën e ndonjë sulmi të mundshëm rus.