Gazetari shumëvjeçar rus Alexei Zimin u gjet i vdekur në banesën e tij me qira në Beograd. Hetimet janë duke vazhduar, ndërsa ende nuk ka të dhëna për shkaqet e vdekjes.

Pas presionit në Rusi për shkak të pikëpamjeve të tij kundër luftës, Zimin u zhvendos në Beograd, ku jetonte në një apartament me qira.

Sipas raportimeve të mediave në Serbi, Zimin u gjet shtatë ditë pas vdekjes së tij, pasi pronari kishte disa ditë që po përpiqej të kontaktonte pa sukses.

Alexey Zimin ishte një kundërshtar i flaktë i luftës në Ukrainë, prandaj ai pësoi presion dhe kërcënime të forta nga autoritetet ruse.

 

View this post on Instagram

 

A post shared by Alexei Zimin (@aazimin)

Përveç profesionit gazetar, Zimin ka drejtuar disa emisione televizive dhe ka punuar si shef kuzhine dhe ka pasur edhe restorantin e tij. Megjithatë, pasi ai publikoi një video me një këngë kundër luftës, emisioni i tij televiziv rus Gatim me Alexei Zimin u anulua befas në rrjetin NTV.

Ish-deputeti rus dhe politikani i shquar i opozitës Ilya Ponomarev tha se emisioni u anulua për shkak të “deklaratave kundër luftës të prezantuesit në mediat sociale”.