Ligat më të forta të futbollit evropian do të vijojnë edhe këtë javë me ndeshje interesante.

Ndër shumë sfida që do të luhen sot, pa dyshim vëmendje më të madhe merr ballafaqimi Chelsea – Manchester United.

Ndeshja zhvillohet në “Stamford Brigde” dhe fillon në orën 18:30, transmeton lajmi.net.

Të dyja skuadrat gjenden në një moment mjaft të mirë. Manchester United vjen shumë i motivuar pas fitores ndaj Tottenhamit, ndërsa Chelsea, përkundër barazimit në mesjavë ndaj Brendford, e ka harruar shijen e humbjes që prej shkarkimit të Thomas Tuchel.

Në ndeshjet e tjera të Premier League, Liverpooli do të luajë si mysafir me Nottingham Forestin (13:30) dhe Manchester City e pret Brightonin në orën 16:00.

Në La liga, kryendeshja e kësaj jave do të jetë Real Madrid – Sevilla, që fillon nga ora 21:00

Ndeshje interesante do të ketë edhe në Itali, aty ku Milani pret Monzan (18:00) dhe Interi i shkon Fiorentines (20:45).

Në anën tjetër,  në Gjermani sot luajnë Dortmundi me Sttutgartin dhe Hoffenheimi me Bayernin. /Lajmi.net/