Jermaine Franklin ka një mesazh për Anthony Joshua përpara meçit të 1 prillit.

Të shtunën në ‘O2 Arena’ të Londrës do të zhvillohet përballja e shumëpërfolur e peshave të rënda ndërmjet Anthony Joshuas dhe Jermaine Franklin.

Pas tetë muajsh, britaniku do të rikthehet në ring pas dy humbjeve të fundit që i kishte pësuar nga ukrainasi, Oleksandr Usyk.

E boksieri amerikan tha se do të tentoj t’ia shkaktoi edhe humbjen e tretë rresht britanikut, transmeton lajmi.net.

“Të gjithë thonë se karriera e Joshuas është në fije të perit dhe se kjo sfidë është gjithçka për të. Ai mund të kishte zgjedhur këdo si rival, por më zgjodhi mua. Ndoshta ai po përpiqet t’i dëshmojë vetës se mund të më bëjë diçka që Dillian nuk mundi”, tha Franklin për mediat angleze.

“Joshua bëri zgjedhjen e gabuar, pasi ai nuk do të më mposht mua. Unë kam ardhur në Londër për ta zgjuar atë dhe pjesën tjetër të botës. Do ta mposht dhe do t’i jap fund karrierës së tij. Ai i ndryshon shpesh trajnerët, po një gjë nuk do ta ndryshojë dot, fakti që do të humbasë përsëri.”, u shpreh më tej ai./Lajmi.net/